Fyrirvari
Almennur fyrirvari vegna upplýsinga
Upplýsingar á þessari vefsíðu eru veittar í almennu upplýsingaskyni. Þær kunna að innihalda villur og geta breyst eða verið uppfærðar án fyrirvara. Efnið er ekki tæmandi og nær ekki til allra þátta sem tengjast sameiningu SL Lífeyrissjóðs og Almenna – Lífsverks lífeyrissjóðs.
Efni vefsíðunnar byggir á samantektum sem unnar eru eftir bestu vitund á grundvelli þeirra upplýsinga sem liggja fyrir á hverjum tíma. Tillögur um sameiningu og breytingar á samþykktum eru háðar viðeigandi samþykki sjóðfélaga og/eða stjórna sjóðanna, staðfestingu fjármála- og efnahagsráðherra og nauðsynlegum lagabreytingum. Hvorki lífeyrissjóðirnir né starfsmenn þeirra bera ábyrgð á ákvörðunum eða viðskiptum sem teknar eru á grundvelli upplýsinganna sem birtar eru á vefsíðunni.
Notendur bera sjálfir ábyrgð á því hvernig þeir nýta upplýsingarnar og eru hvattir til að hafa samband við starfsmenn lífeyrissjóðanna áður en ákvarðanir eru teknar.
Umbreyting ellilífeyrisréttinda í séreign
Upplýsingar um umbreytingu byggja á tillögum um breytingar á samþykktum vegna sameiningar SL lífeyrissjóðs og Almenna – Lífsverks lífeyrissjóðs og samrunasamningi sjóðanna dags. 8. júlí 2026.
Sjóðfélagar SL lífeyrissjóðs hafa tímabundna heimild til að umbreyta 25% af áunnum ellilífeyrisréttindum, sem flytjast í sameinaðan sjóð, í inneign í séreignarsjóði á tímabilinu 1. janúar – 25. júní 2027. Umbreyting miðast við stöðu áunninna ellilífeyrisréttinda í lok tímabilsins.
Sérstök athygli er vakin á því að áður en samtryggingarsjóðir sjóðanna sameinast verður tryggingafræðileg staða þeirra jöfnuð. Jöfnun getur haft áhrif á áunnin réttindi og þar með á þá inneign sem myndast við umbreytingu. Dæmi og fjárhæðir sem birtast á vefsíðunni eru eingöngu til skýringar og fela ekki í sér loforð um tiltekna niðurstöðu. Jafnframt ber að hafa í huga að umbreyting ellilífeyrisréttinda í séreign má ekki verða til þess að rýra stöðu samtryggingarsjóðs og því þarf að taka tillit til stöðu hans við útreikning fjárhæðar. Frekari upplýsingar er hægt að fá hjá starfsmönnum lífeyrissjóðanna.
Hafðu samband
Fyrir frekari upplýsingar, vinsamlegast hafðu samband við: